ငွေကျပ် ၁၅ ဘီလီယံကျော်တန်ဖိုးရှိ စိတ်ကြွရူးသွပ်ဆေးများဖမ်းမိ


တာချီလိတ် ဖေဖော်ဝါရီ ၂၃

ရှမ်းပြည်နယ် အရှေ့ပိုင်း တာချီလိတ်မြို့နယ် မိုင်းဖုန်း(ခ)ကျေးရွာအုပ်စု ပါခုတ်ကျေးရွာ ပူးပေါင်း စစ်ဆေးရေးစခန်း၌ ငွေကျပ်သန်းပေါင်း ၁၅၇၅ဝ (၁၅ ဘီလီယံကျော်) တန်ဖိုးရှိ WY စာတန်းပါ စိတ်ကြွရူးသွပ်ဆေးပြား သိန်း ၆ဝ ကျော်အား ဖေဖော်ဝါရီ ၂၃ ရက် နံနက် ၁ဝ နာရီခွဲက ဖမ်းဆီးရမိကြောင်း သိရသည်။

ဖြစ်စဉ်မှာ မူးယစ်ဆေးဝါး တားဆီးနှိမ်နင်းရေး ရဲတပ်ဖွဲ့ တပ်ဖွဲ့စု (၃ဝ) တာချီလိတ်မှ ရဲအုပ် ရဲဝင်းထွန်း ဦးစီးအဖွဲ့ စစ် ဗျူဟာအဖွဲ့(အခြေချ) တာချီလိတ် မှ ပူးပေါင်းအဖွဲ့သည် သက်သေများ နှင့်အတူ တာချီလိတ်မြို့နယ်၊ မိုင်းဖုန်း(ခ) ကျေးရွာအုပ်စု ပါခုတ် ပူးပေါင်းစစ်ဆေးရေး စခန်းတွင် တာချီလိတ်မြို့ဘက်မှ ဝမ်ပုံဘက် သို့ အိုက်ကျွမ်မောင်းနှင်လာ ပြီး အိုက်ကစ်လိုက်ပါလာသည့်MDY 6G/---- SKAT သဲကျောက် တင်ဆောင်မောင်းနှင်လာ သော ခြောက်ဘီးယာဉ်အား ရပ်တန့် စစ်ဆေးရှာဖွေခဲ့သည်။


ထိုသို့ ရှာဖွေခဲ့ရာ ယာဉ် နောက်ခန်းတွင် တင်ဆောင်လာသည့် သဲကျောက်များအောက်ရှိ ကြမ်းခင်း၌ နှစ်ထပ်အံဝှက်အတွင်းမှ အစိမ်း ရောင်ကျောပိုးအိတ်များဖြင့် ထည့် လျက် ကျောပိုးအိတ်တစ်လုံးလျှင် စိတ်ကြွရူးသွပ်ဆေးပြား ၆ဝဝဝ စီပါ အထုပ် ၃ဝ၊ (ဆေးပြား ၁၈ဝဝဝဝ )ခန့်၊ ယင်းကဲ့သို့ ကျောပိုးအိတ် ပေါင်း ၃၅ လုံး စုစုပေါင်းစိတ်ကြွ ရူးသွပ်ဆေးပြား ၆၃ဝဝဝဝဝ အလေးချိန် ၆၃ဝ ကီလိုဂရမ်ခန့်၊ ကာလတန်ဖိုးငွေကျပ် သန်းပေါင်း ၁၅၇၅ဝ ခန့်နှင့် မိုဘိုင်းဖုန်းငါးလုံး နှင့်အတူ သိမ်းဆည်းရမိသည်။

အဆိုပါ မူးယစ်ဆေးဝါးများနှင့် အတူ ဖမ်းဆီးရမိသူ အိုက်ကျွမ်နှင့် အိုက်ကစ်တို့နှစ်ဦးကို ဝမ်ပုံနယ်မြေ ရဲစခန်းက အမှုဖွင့်အရေးယူ ဆောင်ရွက်ထားရှိကြောင်း သိရှိ ရသည်။

(ခရိုင် ပြန်/ဆက်)
Myanmaalinn
https://www.facebook.com/MYANMAALINNNEWS/
Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.
    Blogger Comment
    Facebook Comment

0 comments:

Post a Comment