ဘင်္ဂလားဒေ့ရှ်၌ ဟိန္ဒူဘာသာရေး ခေါင်းဆောင်တစ်ဦးကို ISIS အဖွဲ့က ခေါင်းဖြတ်ကွပ်မျက်

ဒါကာ ၊ ၂၃-၂-၂၀၁၆

ဘင်္ဂလားဒေ့ရှ် နိုင်ငံ မြောက်ပိုင်း ပန်ချာဂါ့သ် ခရိုင်ရှိ ဟိန္ဒူ ဘုရားကျောင်း တစ်ခု၌ ဟိန္ဒူ ဘာသာရေး ခေါင်းဆောင် တစ်ဦးကို ISIS အကြမ်းဖက် အဖွဲ့က ခေါင်းဖြတ် ကွပ်မျက်ခဲ့ကြောင်း ၄င်းအဖွဲ့၏ ထုတ်ပြန်ချက် အရ သိရသည်။

ပစ္စတိုများနှင့် ဓားများ ကိုင်ဆောင် ထားသည့် ISIS အကြမ်းဖက် အဖွဲ့ဝင် နှစ်ဦးသည် ဖေဖော်ဝါရီ ၂၁ ရက်က ဘုရားကျောင်း အတွင်းသို့ ဝင်ရောက်ပြီး ဘာသာရေး ခေါင်းဆောင်ကို တိုက်ခိုက် ခဲ့ခြင်း ဖြစ်ကြောင်း နှင့် တိုက်ခိုက်မှု အတွင်း ၄င်းကို ကယ်ဆယ်ရန် ကြိုးပမ်းခဲ့သော ဘုရားဝတ်ပြု နေသူ နှစ်ဦးလည်း ဒဏ်ရာရရှိ ခဲ့ကြောင်း ရဲတပ်ဖွဲ့က ပြောကြားသည်။

ISIS အကြမ်းဖက် အဖွဲ့က ယင်း တိုက်ခိုက်မှုမှာ ၄င်းတို့ လက်ချက် ဖြစ်ကြောင်း ထုတ်ပြန် ထားသည်။

အဆိုပါ ခေါင်းဖြတ် ကွပ်မျက်မှုသည် ISIS အကြမ်းဖက် အဖွဲ့အနေဖြင့် နိုင်ငံအတွင်း မည်သည့် အကြမ်းဖက်မှုမျှ လုပ်ဆောင်ခြင်း မရှိနိုင်ဟု ဘင်္ဂလားဒေ့ရှ် အစိုးရက အခိုင်အမာ ပြောကြားနေစဉ် ထွက်ပေါ် လာခြင်း ဖြစ်သည်။

ISIS အကြမ်းဖက် အဖွဲ့သည် ပြီးခဲ့သည့်နှစ် အောက်တိုဘာလ ကလည်း ဒါကာမြို့ရှိ ရှီးယိုက် ဘာသာရေး အဆောက်အအုံ တစ်ခုကို ပစ်မှတ်ထား၍ လက်ပစ်ဗုံးဖြင့် ပစ်ခတ် တိုက်ခိုက်ခဲ့ရာ တစ်ဦး သေဆုံးပြီး ၈ဝ ဦး

ဒဏ်ရာရရှိ ခဲ့ကြောင်း သိရသည်။

PyiChitThar

http://www.pyichitthar.com

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.